Маладзежны тэатр эстрады працягвае напаўняць дзіцячыя сэрцы духоўным святлом!

У межах рэспубліканскага праекта «Культурная карта» творчая каманда завітала ў гасцінныя і маляўнічыя Крупкі, што на Міншчыне.

Артысты Нацыянальнага цэнтра музычнага мастацтва імя У.Р. Мулявіна падарылі гледачам незабыўную праграму «Музычны калейдаскоп»: прагучалі папулярныя мелодыі і аўтарскія песні пра любоў да роднай Беларусі і яе народа, а энергічныя танцавальныя кампазіцыі стварылі сапраўдную атмасферу свята.

Мастацкі кіраўнік цэнтра – заслужаны дзеяч культуры Рэспублікі Беларусь Святлана Стацэнка.

Гэты маштабны асветніцкі праект рэалізуецца па ініцыятыве і падтрымцы Міністэрства культуры Рэспублікі Беларусь.

Пасля натхняльнай сустрэчы ў Крупках падарожжа працягваецца. Наступным пунктам прызначэння стане горад Скідзель, куды творчая каманда завітае ў верасні.